O Luns, 8 de marzo, na sede do PSOE de Nigrán, tivo lugar unha rolda de prensa conxunta das executivas locais do Val Miñor, representadas polos Secretarios Xerais das agrupacións de Gondomar Juan Francisco Ferreira, Baiona e Nigrán e membros das executivas, xunto co Alcalde de Nigrán e Presidente da Mancomunidade, Efrén Juanes, e o deputado autonómico responsable da área de infraestructuras, Pablo López Vidal.
O obxectivo era claro. Unha vez abertos os necesarios enlaces da autoestrada nos concellos do Val Miñor, dende o PSdeG-PSOE, tanto da comarca como a nivel autonómico, esíxese ao Goberno da Xunta do PP que libere as peaxes da AG-57, co fin de estabrecer a gratuidade da interconexión dos Concellos da comarca miñoriana. Neste senso, presentáronse proposicións non de lei e demandas no parlamento galego, co fin de por fin a un dos tramos de autoestrada máis caros de España.
Por outra banda, dende o PSOE de Gondomar demándase á Xunta a humanización, aumento de seguridade e mellora da estrada de Gondomar a Ramallosa, recollendo o proxecto elaborado polo anterior goberno socialista de Xunta de paseo e carril-bici que chegaba incluso a subir cara a Couso. O PSOE de Gondomar esíxelle ao goberno do PP que aposte dunha vez polo noso concello e recupere un proxecto de vital necesidade e demanda social que foi elaborado polo goberno socialista con estricto respeto ao espazo natural por onde discorre e coas máis esixentes medidas de seguridade vial e peatonal.
No tocante ao proxecto de reforma da estrada PO-325 Vigo-Nigrán, o proxecto que elabora a Xunta de Galicia do PP supón, cunha deminución do ancho da calzada, unha importante merma das medidas de seguridade vial e peonil, ademáis de ser un proxecto feito sen consenso e sen consulta cos Concellos afectados. Os socialistas opinamos que o proxecto reformado de seguridade vial proposto polo actual goberno autonómico é unha aberración con meros motivos electorais, unha chapuza e despropósito.